campuvallone

   

Campu Vallone : U situ di a filera bislingua di u Cullegiu di Biguglia

A ceramica attica

u 7 d'Aprile 2013

A ceramica attica hè l’arte di fabricà teraglie è altri ogetti di terra cotta in Attena è u so circondu durante l’antichità. E ceramiche à figure rosse (V seculu nanzu à Cristu) succedenu à l’oghjetti à figure nere (VI seculu nanzu à Cristu).


A ceramica attica

I . E figure nere

Skyphos à figure nere di u Vu seculu nanz'à Cristu. Héraclès si batte contr'à un toru di l'isula di Creta.
Skyphos à figure nere di u Vu seculu nanz'à Cristu. Héraclès si batte contr'à un toru di l'isula di Creta.
Quand’ella si sviloppa a tecnica di e figure nere, e piante stranie è l’animali fabulosi lascianu a piazza à l'omu. 
À parte di u VIu seculu i pittori riprisentanu e scene di a vita currente cum'è i pranzi o e partenze per a guerra è dinù scene di a mitulugia cù eroi cum'è Tesea è Eracle. 
A tecnica hè detta di a figura nera perchè chì nantu à u fondu rossu di l'argile, i persunagi si staccanu in siluette nere.

L'incisione rendenu i detagli di i vestiti è di i musculi.

A ceramica attica

II . E figure rosse

A ceramica attica
Versu 530 ghjè a rivoluzione : un artistu decide di lascià i persunagi in rossu è di ricopre tuttu u restu di u vasu in neru. A tecnica di a figura rossa hè nata.

I persunagi sò cinti da una pennata fine è i detagli sò aghjunti cù un pinnelu à a pintura nera, ciò chì permette di rende li più realisti.


A ceramica attica

Héraklès è u leone di Némée (© Clio20 / Flickr)
Héraklès è u leone di Némée (© Clio20 / Flickr)


 



 

Kylix à figure rosse
Kylix à figure rosse




 

III. Aleria

In Corsica ste ceramiche si ponu vede in Aleria, ind’u Museu Jérôme Carcopino, perchè nanzi d’esse una cità rumana Aleria si chjama Alalia (Alaliè), è ci era une prisenza greca assai impurtante.


U forte di Matra in Aleria
U forte di Matra in Aleria

Rhyton in forma di faccia di cane
Rhyton in forma di faccia di cane


Leie

U librettu di u CRDP nant'à Aleria

I Ritratti di Clio20 nant'à Flick di u museu d'Aleria  è di ceramica antica

D'altri ritratti di u museu d'Aleria

A pagina officiale di u museu Jérôme Carcopino nant'à u situ di a CTC
u 7 d'Aprile 2013
admin