A ceramica attica

Quand’ella si sviloppa a tecnica di e figure nere, e piante stranie è l’animali fabulosi lascianu a piazza à l'omu. 
À parte di u VIu seculu i pittori riprisentanu e scene di a vita currente cum'è i pranzi o e partenze per a guerra è dinù scene di a mitulugia cù eroi cum'è Tesea è Eracle. 
A tecnica hè detta di a figura nera perchè chì nantu à u fondu rossu di l'argile, i persunagi si staccanu in siluette nere.

L'incisione rendenu i detagli di i vestiti è di i musculi.

Versu 530 ghjè a rivoluzione : un artistu decide di lascià i persunagi in rossu è di ricopre tuttu u restu di u vasu in neru. A tecnica di a figura rossa hè nata.

I persunagi sò cinti da una pennata fine è i detagli sò aghjunti cù un pinnelu à a pintura nera, ciò chì permette di rende li più realisti.

 



 

 

In Corsica ste ceramiche si ponu vede in Aleria, ind’u Museu Jérôme Carcopino, perchè nanzi d’esse una cità rumana Aleria si chjama Alalia (Alaliè), è ci era une prisenza greca assai impurtante.

U librettu di u CRDP nant'à Aleria

I Ritratti di Clio20 nant'à Flick di u museu d'Aleria  è di ceramica antica

D'altri ritratti di u museu d'Aleria

A pagina officiale di u museu Jérôme Carcopino nant'à u situ di a CTC