Chì hè Sant'Andria ?
Sant'Andria hè una festa chì era celebrata ogni 30 di nuvembre. Hè un santu chì hà datu u so nome à parechji paesi corsi : Sant'Andria di u Cotone, Sant'Andria di Boziu, Sant'Andria d'Urcinu. Hè festa patrunale in parechji lochi, cumu in Luretu di Casinca, Ersa, A Crucichja. Ma sin'à a segonda guerra mundiale era ghjornu di festa sopr'à tuttu pè i zitelli.
Chì hè l'origine di Sant'Andria ?
À l'origine ci hè forse una festa pagana chì hè stata cristianizata. Currisponde à u mumentu quand'ellu si passa da l'auturnu à l'inguernu, una stagione longa, induve c'era a paura di a fame è di u fretu, è di mancà di robba.
Chì si facia per Sant'Andria ?
In parechji paesi di Corsica (ma micca tutti !), i zitelli s'addunianu per fà u giru di e case. Pichjavanu à e porte, cantavanu è dumandavanu robba dolce à i paisani. Dopu si riunianu per sparte ciò ch'elli avianu buscatu.
Chì hè a prigantula di Sant'Andria ?
Aprite, aprite à Sant'Andria !
Chì vene da longa via
Hà i pedi cunghjalati
È hà bisognu di riscaldassi
D'un bon bichjeru di vinu !Tandu u patrone di casa apria a porta di a so casa (o micca !) è dava à i zitelli frutta secca è biscotti.
Perchè a tradizione s'hè persa ?
Dopu à a segonda guerra mundiale, a pupulazione corsa si sprufonda. Parechji Corsi partenu per truvà travagliu in cuntinente. Quelli chì stanu vanu à stallassi in e cità. Ma i paesi si viotanu è parechje tradizione corse si perdenu. Hè stata cusì per Sant'Andria.
Oghje chì si face per Sant'Andria ?
Dapoi qualchì annu, in parechji lochi di Corsica, Sant'Andria torna à esse festighjata. A tradizione hè cambiata. Hè diventatu un mumentu di spartera. In certi lochi, sò organizate racolte di prudutti, di manghjusca chì sò distribuiti dopu à i più poveri. Hè diventatu un mumentu festivu è sulidariu.
Sant'Andria hè una festa chì era celebrata ogni 30 di nuvembre. Hè un santu chì hà datu u so nome à parechji paesi corsi : Sant'Andria di u Cotone, Sant'Andria di Boziu, Sant'Andria d'Urcinu. Hè festa patrunale in parechji lochi, cumu in Luretu di Casinca, Ersa, A Crucichja. Ma sin'à a segonda guerra mundiale era ghjornu di festa sopr'à tuttu pè i zitelli.
Chì hè l'origine di Sant'Andria ?
À l'origine ci hè forse una festa pagana chì hè stata cristianizata. Currisponde à u mumentu quand'ellu si passa da l'auturnu à l'inguernu, una stagione longa, induve c'era a paura di a fame è di u fretu, è di mancà di robba.
Chì si facia per Sant'Andria ?
In parechji paesi di Corsica (ma micca tutti !), i zitelli s'addunianu per fà u giru di e case. Pichjavanu à e porte, cantavanu è dumandavanu robba dolce à i paisani. Dopu si riunianu per sparte ciò ch'elli avianu buscatu.
Chì hè a prigantula di Sant'Andria ?
Aprite, aprite à Sant'Andria !
Chì vene da longa via
Hà i pedi cunghjalati
È hà bisognu di riscaldassi
D'un bon bichjeru di vinu !Tandu u patrone di casa apria a porta di a so casa (o micca !) è dava à i zitelli frutta secca è biscotti.
Perchè a tradizione s'hè persa ?
Dopu à a segonda guerra mundiale, a pupulazione corsa si sprufonda. Parechji Corsi partenu per truvà travagliu in cuntinente. Quelli chì stanu vanu à stallassi in e cità. Ma i paesi si viotanu è parechje tradizione corse si perdenu. Hè stata cusì per Sant'Andria.
Oghje chì si face per Sant'Andria ?
Dapoi qualchì annu, in parechji lochi di Corsica, Sant'Andria torna à esse festighjata. A tradizione hè cambiata. Hè diventatu un mumentu di spartera. In certi lochi, sò organizate racolte di prudutti, di manghjusca chì sò distribuiti dopu à i più poveri. Hè diventatu un mumentu festivu è sulidariu.
Sant'Andria in Biguglia
Sant'Andria hè dinù a festa patrunale di Biguglia. Ci sò duie chjese dedicate à stu santu : a chjesa paruchjale in paese di Biguglia è a cappella rumànica, chjamata "Sant'Andria di Fàbrica", sopr'à u paese.
U podcast nant'à Sant'Andria
Fattu da Clelia, Miruna è Santa di a 5B2.
sant'andria.mp3 (3.79 Mo)
