I mutori di ricerca nant'à internet

Google hè u mutore u più cunnisciutu è u più utilizatu in u mondu. Hè una sucetà americana.

U mutore hè statu creatu in u 1998. Dapoi hà creatu parechje appiegazione : Gmail (per i mails), Google Maps (pè e carte), Google Earth (un lugiziale per fidighjà è splurà a terra), Google Translate (per traduce), è ancu un navigatore (Chrome).

Google hè diventatu un gigante di l'internet. Hè criticatu perchè cunnoscenu assai affari nant'à noi, perchè cunservanu i dati persunali (in francese "données personnelles") è sò accusati di fà a spia.

Qwant hè un mutore di ricerca francese. À l'orìgine di a so creazione ci hè ancu un Corsu. Ma sopr'à tuttu, si ne parla perchè ùn cunserva micca i dati persunali.

Anu fattu una versione pè i zitelli chì si chjama Qwant Junior.

Bing hè u mutore di ricerca di a sucetà americana Microsoft (quella chì face Windows è u navigatore Internet Explorer).

Yahoo hè dinù una sucetà americana. Hè u mutore di ricerca u più vechju (hè statu creatu in u 1994). Oghje prupone parechji servizii : mail, infurmazione...
 

DuckDuckGo hè un mutore di ricerca americanu. Stu mutore dinù ùn cunserva micca i dati persunali. Ne anu fattu a so campagna di publicità : "le moteur de recherche qui ne vous espionne pas".

Ecosia hè un mutore alemanu. A so particularità hè chì una parte (80%) di i benefizii ch'ella vince a sucetà ghjovanu per finanzà prugrammi per piantà l'arburi in Africa (Burkina Faso, Tanzania, Madagascar) è in America Latina (Perù). Dicenu ch'elli anu riesciutu à pone più di 57 milioni d'arburi.