Aghju quattordeci anni è vuleria sapè cumu era d’esse giovanu in quaranta ?
Ah tengu à ditti chì sta questione m’hà fattu piacè. N’avia parlatu cù a mo moglia : « Vai à circà tù l’amore quì è culà ! ».
Figurati chì à quelli tempi l’amore era impurtante. Quandu un giovanu era innamuratu era attacatu à issa giovana, micca sempre attenzione, certe volte ancu elli pigliavanu un’altra strada, ma, eranu tenuti à avè… ùn si dicia micca un flirt tandu, a parolla flirt hè ghjunta più tardi cù l’americani à quelli tempi, ella ride, avà partu quì…
Ma à quelli tempi ùn eranu finti duravanu, ùn eranu micca amori di vintiquattru ore à andà à tirà si un basgiu daretu una scopa.
L’amore facia partita di a vita di a giuventù : ùn ci vole micca à scurdassi, quand’ellu si parla di guerra si parla di giuvanotti chì si battenu per una donna. Sò tutte chjachjare, omu ùn si batte micca per una donna, à quelli tempi l’amori eranu fideli.
Avà ùn hè più listessu affare, ùn dicu micca chì ghjè un male un bè…
À voi di ghjudicà. Và bè ?
Perchè avete decisu d’entre in resistenza ?
Entre in resistenza, ùn mi piace micca troppu issa spressione.
Ind’a famiglia ci era cosa chjamavanu un militente, era un omu, un giuvanottu chì stimava chì ci vulia à battesi per chè i taliani in particulare chì occupavanu a Corsica partinu u più prestu pussibule. Era u so scopu primu battesi, battesi… battesi contru un nemicu chì occupava a Corsica eccu cosa era d’esse in resistenza. Allora suvente entrianu in resistenza per cosa a famiglia avia digià un’idea di a resistenza è po eranu giovani chì suvente i parenti eranu membri di u partitu cumunistu quessa ùn ci vole micca à scurdà si chì suvente u partitu cumunistu hà datu l’impulsione à issu muvimentu chì era a resistenza : ah ! sò stati bè sò stati gattivi, sò stati cusì… quessa ùn hè micca à mè di ghjudicà. Sè a mo spiecazione ùn ti cunvene micca ci vole ch’ella ti pigli d’un’antra manera… ci hè ancu què hein !
Ci tengu à l’amore. T’aghju da spiegà qualcosa nantu à l’amore ; quandu avemu chitatu… l’armata francese, cù l’americani, hà chitatu l’Italia, simu partiti di u portu rumanu per andà à sbarcà nantu à e coste francese, è quandu noi altri corsi simu passati à u largu di u Capicorsu, hè statu un mumentu straurdinariu, per amore, percosa sapiamu chì custì ci era un terramu di l’amore chì era in Corsica, di a famiglia è l’amore, u veru amore ch’ella … Emu pensatu à quelli chì stavanu in Corsica, chì ci passavamu vicinu è chì forse ùn li vidiamu mai più… à Babbu, à Mamma, à i figlioli è e nostre innamurate. Videte, l’amore, l’amore…
